Ataúro, 03 Agostu 2026

Prezidente K.A Aportil I.P, Sr. José de Oliveira Leong hamutuk ho Vogál I Sr. Júlio Saldanha Barreto no Vogál II Sr. Leandro de Sena, parseiru importante sira, Komisaun Anti Korupsaun inklui Distintus deputadu husi komisaun E ne'ebé trata asuntu infraestrutura hala'o teste Ró Berlin Ramelau ba dahuluk atraka iha Portu Ataúro, Beloi.

Iha entrevista José de Oliveira Leong hateten, planu ne’e prepara iha fulan hira ona, maibé foin semana kotuk ami halo enkontru hodi hasai konvite, ba S.E Primeiru Ministru, no S.E Vise Primeiru Ministru, S.E Ministra Finansas, S.E Ministru Transporte Komunikasaun, ami kordena buat hotu.

Objetivu Ro Berlin Ramelau mai ataúro ne'e, hodi koko jeti portu ataúro ne'e, no ita hotu haree kondisaun portu la sufisiente ba ro ida bot atu atraka hodi prepara ba subtitui Ró Berlin Nakroma wainhira halo  manutensaun periódika ka tanba razaun téknika.

Tanba ne'e, ita konvida Membru parlamentu nasionál Komisaun E, Komisariu KAk, Alfandega, Karentina, Autoridade Nasionál Marítima "AMN", Gabinte Fronteira Marítima(GFTM) no parseiru importante sira seluk hodi akompaña teste Ro berlin ramelau sai husi  Dili mai Ataúro.

Ami mós hato'o ba S.E Ministru Transporte no S.E Primeiru-Ministru no Deputadu sira atu haree, nune'e bele apoiu hodi responde lalais situasaun portu ataúro ne'e. "Prezidente Sublinña"

Prezidente Aportil I.P, afirma tan katak, Dezenvolvimentu iha ataúro ne'e presiza hare ro bo'ot  hodi transporta sasan husi Dili mai ataúro.

Iha sorin seluk Deputada parlamentu nasionál komisaun E, hatutan tan katak, ami husi komisaun E, haree ona no sei rekomenda ba parte governu nian atu haree oinsá hadia di'ak liu tan portu atauro, ita nia ro berlin ramelau mai karik para ho di'ak hanesan ho ro sira seluk para ho kondisaun ne'ebé ho diak.

Média, APORTIL I.P